Gedichte » Unter Linden

Unter Linden

Äbbelwoi-Song kann mit Gitarre begleitet werden

Ist auf Hessisch verfasst

Mir sitze hier unner grüne Linde
esse Rippsche mit Kraut unn dun Äbbelwoi drinke.

De Fritz sitzt mir uff de Bank gecheiwwer,
sacht: ich hab im Finger en grosse Schliwwer.

Sei Fraa die Gretel war grad emoal drauss,
hörts un ruft: geh her ich mach der den raus.

Inzwische iss die nächst Laach Äbbelwoi gekomme,
de Werner iss grad schon e bissje benomme.

Däs is awwer weiters net so dragisch,
däs Drinke geht inzwische schon audomatisch.

De Brezzel-Kall kommt mit soim Korb vorbei,
doch de Fritz bleibt liewer beim Gadoffelbrei.

Die Gredel hod sich Frankforder mit Wasserwäck bestellt
em Fritz soi Gesicht hod sich jetzd widder erhälld.

So sitze se all noch a Weilche beisamme,
nach em Dungelweänn sinn se dann haam gegange.

Doa hawwe se hoid widder en schöeene Dach verbracht,
de Äbbelwoi hod gud Laune gemacht.

Drum merk Dirs immer unn bedenk!
so en Äbbelwoi is e wunnerbar Gedränk!!.

th 28-08-2005